கடிவாளம் அறுந்த மனம்

எப்போது நான் குதிரையாய்

பிறந்தேனோ தெரியவில்லை ?

எகிறி பாய்ந்து எங்கு 

அலைந்தேனோ தெரியவில்லை !

மலைகளை பார்த்தால் 

தாண்டுகிறேன் !

குளங்களை பார்த்தால் 

மூழ்குகிறேன்!

பெண் ஆண் புரவி 

எது பார்த்தாலும் மோகிக்கிறேன் !

ஓடி பாய்ந்து ஓய்ந்தாலும்

உள்ளுக்குள் சாய்வதில்லை .

உறங்கினாலும் விழித்தாலும் 

கனவுகள் முடிவதில்லை. 

கனைத்தாலும் செருமினாலும்

கவனம் மட்டும் இங்கில்லை.

தேடினாலும் தொலைத்தாலும் 

நினைவுகளில் தடமேதும்மில்லை .

குளம்புகளை நம்பி ஓடுகிறேன் 

தூரங்கள் மட்டும் ஓயவில்லை .