ஞாநியின் தரிசனம்…. .

உதிரும் பழுத்த இலைகளை
பார்க்கும்போதெல்லாம்
உள்ளுக்குள் ஏதோ ஒரு 
ஞாநியின் தரிசனம்…. .

 காலத்தின் சாட்சியாய் ,

 பருவங்களை கடந்த 

பக்குவத்தை சுமந்து 

ஐம்பூத அனுபவத்தில் அமிழ்ந்து 
ஆறாவது ஞானம் பெற்று ,
அடுத்த இலைக்கு உரமாகும் போனதால் 

மரணமில்லா பெருவாழ்வை தொட்ட 

அந்த இலையை
நான் ஞாநி என்றால்  உங்களுக்கு
கோபம் வரலாம் !

அடுத்தமுறை

பழுத்து சிவந்த

ஒவ்வொரு இலையையும் நீங்கள் 

உற்று பார்க்கும்போதெல்லாம்
உள்ளுக்குள் உணர்வீர்கள் !

ஏதோ ஒரு 

ஞானியின் தரிசனத்தை ...