தூரிகைகள் காட்டும்
நொடிப்பொழுதுக் காட்சியில்
எத்தனை எத்தனை
உள் மன வெளிப்பாடு
உயிரைப் பிய்த்து
மனதின் காட்சியாய்
மிரள வைக்கிறது ?
குற்றுயிராய் சுமக்கப்படும்
இந்த மனிதன் யார் ?
அந்த முகம் ...அந்த முகம் ...
இந்தப் பிரபஞ்சத்தின்
வெளிச்சக் கீற்றுக்களின்
வேர்களுக்கு நீருற்றுக்கிறது !
கைகளில் ஆணித்துளை
நெற்றியில் முள் முடித்தடம் ,
இவர் மீண்டும் உயிர்தெழுந்த ..
மீட்டு வரப்படும் பேராத்மாவா ?
வரைந்தவன் இங்கு தெரியவில்லை
வரைந்தது சொல்ல அழைக்கிறது,
வானுலகின் மைந்தன்
வந்து விட்டானென்று !
No comments:
Post a Comment