எழுதாத பக்கங்கள் !

தூசு தட்டிப் பார்த்து 

பழைய நாட்குறிப்பின் 

எழுதப்படாத பக்கங்களை 

புரட்டிய பையன் கேட்டான் 

எழுது கோளை 

தொலைத்து விட்டீர்களா? 

ஆமாம் . 

பொய்யுரைத்தேன் . 

பென்சிலும் தொலந்து விட்டதா? 
மறுபடியும் கேள்வி முளைத்தது 

இருந்தது. 
ஆனால் எழுதவில்லை . 

மறுபடி அவன் கேட்பதற்குள் 
நானே சொன்னேன் 

தலையெழுத்தை 
புரிந்து கொள்ளாத காலம் அது 
என்றேன் . 

புரியவில்லை அப்பா .
 
இது போல 
உன் குழந்தையும் கேட்க்கும் 
அப்போது உனக்கு புரியும் என்றேன் . 

அவன் நாட்குறிப்பை மூடிவைத்தான். 

நான் அன்று எழுதாத 
பக்கங்களின் நினைவுகளில் 
புதைந்து போனேன் ...